پوهنتون کې لس پايه کمپیوټر لب جوړ او گټې اخیستنې ته وسپارل شو
د سيد جمال الدين افغاني پوهنتون په کمپيوټر ساينس پوهنځي کې؛ په اسيا کې د نړيوالو ټولنيزو خدمتونو مؤسسې له لوري شاوخوا د پنځلس زره امريکايي ډالرو په لګښت د لس پايه کمپیوټرونو درلودونکی مجهز او په نوې ټکنالوژۍ سمبال کمپیوټر لب جوړ او گټې اخیستنې ته وسپارل شو.
د پوهنتون رييس شيخ عبدالمالک محسن په خپلو خبرو کې د یاد کمپیوټر لب پر جوړېدو خوښي وښوده او نوموړې موسسې د مسؤلينو له همکارۍ يې مننه او قدرداني وکړه.
هېره دې نه وي چې یاد کمپیوټر لب د لس پایه لوړ کیفیت لپ ټاټ کمپیوټرونو سربېره؛ په دولس پايه مېزونه، يولس پايه چوکيو،رنګه پرېنټر، پراجکتور او د نوې ټکنالوژۍ په نورو وسايلو سنبال او مجهز جوړ شوی دی.
د یاد کپيوټر لب د پرانیستې په مراسمو کې د پوهنتون مشرتابه سربېره؛ د کونړ ولايت اقتصاد رييس مولوي عبدالله همت، په اسيا کې د نړيوالو ټولنيزو خدمتونو مؤسسې د ختيځ زون مسؤل محمد شريف هاشمي، د پوهنتون استادانو، اداري کارمندانو او محصلينو گډون کړی ؤ.
د يادونې ده چې دا کمپیوټر لب به د سيد جمال الدين افغاني پوهنتون د کمپيوټر ساينس پوهنځي او په اسيا کې د نړيوالو ټولنيزو خدمتونو مؤسسې ترمنځ د شوې هوکړې په رڼا کې؛ پېښو ته د چمتووالي په برخه کې د روزنيزو ورکشاپونو او نورو عملي زده کړو لپاره کارول کېږي.
