ښوونې او روزنې پوهنځي استاد د پوهنمل علمي رتبې ته د ترفيع په موخه خپل علمي کنفرانس وړاندې کړ
سيد جمال الدين افغاني پوهنتون د ښوونې او روزنې پوهنځي د بيولوژي دیپارتمنت استاد پوهنيار فضل معبود عادل د پوهنمل علمي رتبې ته د ترفيع په موخه(په شيدو کې د پروبيوتيک څېړنه) تر سرليک لاندې خپل لومړی علمي کنفرانس وړاندې کړ.
دغه کنفرانس چې د پوهنتون علمي چارو مرستيال قاضي عبدالهادي فضلي، د علمي څېړنو او مجلې مرستيال پوهندوی دوکتور سيد اصغر هاشمي، د ښوونې او روزنې پوهنځي رييس پوهنيار مولوي خانزاده حنيفي، د ژوري هيئت غړو او استادانو پر وړاندې ارایه شو، له ازاد بحث او د ژوري هيئت تر مثبتې ارزونې وروسته پر دُعايه کلماتو سره پای ته ورسېد.
