حضوري زده کړو د پیل په هکله غونډه ترسره شوه

داچې د لوړو زده کړووزارت د لارښوونو سره سم درسونه په حضوري توګه پیل شوی دي نو دپوهنتون مشرتابه پوهنوال دوکتور محمد ګلاب عمري علمي ،محصلانو او اداري مرستیالانو ته لارښوونې وکړې چې داستادانو د تدریسي موادو ، علمي پروګرامونو ، دیپارتمنتونو او پوهنځيو کې داستادانو او محصلانو حضور ، دمحصلانو نظم او دسپلین او نورو اړونده چارو کې د اسانتیاو برابرلو او همدارنګه د لیلیې د تنظیم ، حفظ او مراقبت ، خدماتو ، ابرساني او ټولګيو برابرولو کې اړین تدابیر ونیسي .
دپوهنتون رئیس د قدرمنو محصلانو څخه هیله څرګنده کړه چې د عامي روغتياوزارت له لوري دکرونا وبا څخه د مخنیوي په موخه شوې لارښوونې عملي کړي د ګڼې ګوڼې ځایونو څخه ځان وساتي ، په درسي خونو کې فاصله مراعات کړي او صنف ته د داخلېدو پر وخت باید ماسک له ځانه سره ولري .