د زراعت پوهنځي محصلینو ته د ساري ناروغيو مخنيوي په تړاو معلوماتي سېمينار وړاندې شو
د سيد جمال الدين افغاني پوهنتون د زراعت پوهنځي محصلینو ته د مالي او اداري چارو معاونيت په چوکاټ کې، د روغتيا او خونديتوب عمومي کمېټې په نوښت د ساري ناروغيو مخنيوي په تړاو معلوماتي سېمينار وړاندې شو.
دغه سېمينار چې د زراعت پوهنځي استاد پوهنمل ضیاءالدین ضیاء له لوري وړاندې شو په کې د ناروغيو عمومي پېژندنه او د ساري ناروغیو مخنيوي بنسټیزې لارې چارې روښانه شوې. نوموړي له درملنې وقايه مهمه او اړينه وبلله او محصلينو ته يې په سالمه بڼه د خوراکي رژيم تنظیم او د ډاکټر له لارښوونې پرته د درملو نه کارونې په تړاو اړينې او مهمې سپارښتنې وکړې.
د يادونې وړ ده چې گډونوالو محصلينو د سېمينار پر دايرېدو خوښي وښوده او په راتلونکي کې يې د ورته نورو پروگرامونو د جوړېدو غوښتنه وکړه. هېره دې نه وي چې په ياد پوهنتون کې تر دې وړاندې هم دې ته ورته علمي سېمينارونه او کنفرانسونه داير شوي او په راتلونکي کې به هم دا لړۍ دوام ولري.
