د پوهنتون عمومي رئيس له مرستيالانو او د پوهنځيو رئيسانو سره مشورتي ناسته وکړه
د سيد جمال الدين افغاني پوهنتون عمومي رئيس الحاج مولوي عبدالواسع منصور له مرستيالانو او د پنځهگونو پوهنځيو رئيسانو سره مشورتي ناسته وکړه. په پيل کې د پوهنتون عمومي رئيس اړوندو مسؤلينو ته لارښوونه وکړه، چې په پوره اخلاص او صداقت سره خپلې چارې مخکې يوسي او يو له بل سره پوره همکاري او ښه همغږي ولري. په ياد ناسته کې له اړوندو ادارو سره د لاسليک په موخه د هوکړهليکونو پر نهايي کولو، د حاضرۍ پر پابندۍ، د محصل ژمنليک پر پلي کېدو او په نورو بېلابېلو موضوعاتو بحث او پرېکړې وشوې. دغه ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
