د ليليې په مسجد کې د قرانکريم"ترجمې او تفسير" د درسونو پر دوام د سورة الأنعام افتتاح وشوه
سيدجمال الدين افغاني پوهنتون د ليليې په مسجد کې محصلينو ته؛ د دعوت او ارشاد آمريت د درسونو په لړ کې تېره ورځ د ماښام تر لمانځه وروسته، د قرانکریم"ترجمې او تفسیر" د درسونو پر دوام د کونړ ولايت د جهادي مدرسې مهتمم شيخ الحديث رحمت دين مدني له لوري د سورة الأنعام افتتاح وشوه.
نوموړي ته چې د پوهنتون له لوري بلنه ورکړل شوې وه د دعوت اوارشاد آمر مولوي اعجاﺯالحق ﺯلِف له لوري ورته ښه راغلاست وويل شو او د ماښام تر لمانځه وروسته؛ شيخ الحديث رحمت دين مدني دسورة الأنعام د درس افتتاح وکړه او محصلينو ته يې د قرانکريم په عظمت او اهميت تفصيلي خبرې وکړې او همداراز يې د درس په بهير کې محصلين متوجه کړل چې د قرانکريم فکر له ځان سره واخلي، له افراط او تفريط څخه ځانونه وژغوري او د خپل تحصيل سره سره اسلامي تاريخ، د صحابه کرامو او ائمه کرامو سيرت ضرور مطالعه کړي.
