د پوهنتون استادانو ته د څېړنې په برخه کې پر دوه بېلابېلو موضوعاتو دوه ورځنی ورکشاپ دایر شو

Abdullah Saeed
چهارشنبه ۱۴۰۳/۱۰/۲۶ - ۱۵:۳۱
SJAU

دغه روزنيز ورکشاپ چې د پوهنتون علمي چارو معاونيت په چوکاټ کې د مسلکي زده‌کړو په پرمختیايي مرکز کې جوړ شوی ؤ، د دې پوهنتون گڼو استادانو په کې برخه لرله.

د ورکشاپ په پرانيسته کې د سيد جمال الدين افغاني پوهنتون د علمي چارو مرستيال قاضي عبدالهادي فضلي د څېړنې پر اړتيا او ارزښت هر اړخيزې خبرې وکړې او زياته يې وکړه چې د ټولنې شته ستونزو ته د حل لارو وړانديزول او د معياري څېړنو ترسره کول، هغه وخت شوني وي چې څېړونکی د څېړنې له اصولو او معيارونو سره پوره اشنا وي.

ورپسې د پوهنتون مسلکي پرمختيايي مرکز آمر پوهنيار امان الله توتاخېل په خپلو خبرو کې د ياد مرکز له فعاليتونو او لاسته راوړنو يادونه وکړه او زياته يې کړه چې تر دې وروسته به استادانو، مامورينو او محصلينو ته هم د ظرفيت لوړونې په موخه نورې د اړتيا وړ روزنيزې برنامې دايرې کړي.

په دې ورکشاپ کې د کرنې پوهنځي رييس پوهندوی محمدحسن محمدي له لوري(په څېړنه کې د نمونه اخېستنې ډولونه، تخنيکونه او لارې چارې) او د علمي څېړنو آمر پوهندوی محمد رحيم خاکسار له خوا(په څېړنه کې د ستونزې پېژندنې او د حل لارو وړانديزولو ارزښت) تر سرليکونو لاندې موضوعات وړاندې شول چې په پای کې د گډونوالو پوښتنو ته د قناعت وړ ځوابونه ورکړل شول.

تازه خبرونه

شنبه ۱۴۰۳/۱۱/۲۷ - ۱۴:۳۷
Background image

د محصلانو چارو مرستيال پوهندوی علمي رتبې ته د ترفيع په موخه خپل دويم علمي کنفرانس وړاندې کړ

سيد جمال الدين افغاني پوهنتون د محصلانو چارو مرستيال او د ننگرهار پوهنتون د حقوقو او سياسي علومو پوهنځي استاد پوهنمل علي احمد بهار د پوهندوی علمي رتبې ته د ترفيع په موخه(په مدني دعوو کې. . .

پنجشنبه ۱۴۰۳/۱۱/۲۵ - ۱۹:۴۹
Background image

د مالي او اداري چارو مرستيال په مشرۍ ناسته کې د چارو په چټکتيا او کارونو کې پر اخلاص ټينگار وشو

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې په کې د مالي او اداري معاونيت اړوند آمرينو او عمومي مديرانو برخه. . .

پنجشنبه ۱۴۰۳/۱۱/۲۵ - ۱۹:۳۹
Background image

کونړ والي د يوه پلاوي په ملتيا له پوهنتون څخه ليدنه وکړه

کونړ والي د يوه پلاوي په ملتيا له سيد جمال الدين افغاني پوهنتون څخه د ليدنې ترڅنگ په يوه ستره غونډه گډون او وينا وکړه.

ياده غونډه چې د پوهنتون په تالار کې جوړه شوې وه، د کونړ والي. . .

BACK TO NEWS