پوهنتون د څېړنو عمومي کمېټې نوبتي ناسته وشوه
سيد جمال الدين افغاني پوهنتون د څېړنو عمومي کمېټې د علمي څېړنو او مجلو مرستيال پوهندوی دوکتور سيد اصغر هاشمي په مشرۍ خپله نوبتي ناسته وکړه، چې د کمېتې ټولو غړو په کې برخه لرله. په ياده کاري ناسته کې د علمي ترفېع په موخه د دوه تنو استادانو د علمي کنفرانسونو ټاکل، د علمي مقالې ليکلو د اصولو پر بشپړ تطبيق او د تقريظ ورکوونکو پر مسؤليت باندې بحث او په تړاو يې لازمې پرېکړې وشوې. په دغه ناسته کې د علمي څېړنو او مجلو مرستيال د څېړنو د معياري کېدو په تړاو عمومي خبرې وکړې او د يادو موضوعاتو په هکله يې اړوند مسؤلینو ته لازمې سپارښتنې او لارښوونې وکړې. ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
