پوهنتون د علمي چارو مرستیال د خپل معاونیت اړوند آمرینو او مديرانو سره ناسته وکړه
سيد جمال الدين افغاني پوهنتون د علمي چارو مرستيال قاضي عبدالهادي فضلي په مشرۍ تر سره شوې کاري ناسته کې چې د معاونيت اړوند آمرينو او مديرانو په کې برخه لرله، پر يو شمېر موضوعاتو يې بحث او پرېکړې وکړې. پيل کې د ياد معاونیت اړوند آمرینو د خپلو پرمختگونو او لاسته راوړنو راپورونه او شته ستونزې له علمي مرستيال سره شريکې کړې چې د هغه له لوري يې راپورونه تاييد او ستونزو د حل ډاډ ورکړل شو.
په ياده ناسته کې له اجندا سره سم؛ د ياد معاونيت اړوند دندو لایحو د بیا کتنې او وظیفوي تداخل د مخنیوي، د کیفيت لوړاوي آمريت له لوري د ديپارتمنتونو کلنۍ او پنځه کلنې ارزونې پيل او د يو شمېر نورو موضوعاتو په اړه بحث او پرېکړې وشوې.
