سيد جمال الدين افغاني پوهنتون او د اسعداباد ښاروالۍ ترمنځ د گډو همکاریو هوکړه لاسلیک شوه
د دواړو ادارو ترمنځ د علمي او مسلکي ظرفیت لوړونې په موخه د دوه اړخيزو همکاريو هوکړهلیک د ياد پوهنتون د رييس شيخ عبدالمالک محسن او د اسعداباد ښاروال مولوي نظر محمد عتيق له لوري لاسلیک شو، چې په مراسمو کې يې د پوهنتون مرستيالانو، د پوهنځيو رييسانو او د پوهنتون منسوبينو او محصلينو ترڅنگ؛ د اسعداباد ښاروالۍ مسؤلينو هم برخه لرله.
د يادونې ده چې د دې دوه اړخیزې هوکړې له مخې به د علمي او مسلکي همکاريو ترڅنگ، د پوهنتون محصلینو ته د عملي زدهکړو او اړینو تجربو د ترلاسه کولو په برخه کې لازمې اسانتياوې برابرې شي.
