سيد جمال الدين افغاني پوهنتون د علمي چارو مرستيال پوهندوی ميرويس ستانکزي په مشرۍ؛ پوهنتون د ستراتيژيک پلان بورډ غړو ناسته وکړه
په ياده کاري ناسته کې د محصلانو چارو مرستيال پوهنمل علي احمد بهار، د علمي څېړنو او مجلې مرستيال پوهندوی دوکتور سيد اصغر هاشمي، د مالي او اداري چارو مرستيال قاري رحمن الله صادق او پوهنتون د ستراتيژيک پلان بورډ غړو گډون درلود چې په کې د پوښتنپاڼو او چک لېستونو ترتيب، له اړوندو سکتورونو سره د ناستو او د نورو بېلابېلو موضوعاتو په اړه بحث او پرېکړې وشوې.
پيل کې د پوهنتون علمي چارو مرستيال د ښه راغلاست ترڅنگ؛ ستراتيژيک پلان جوړونې د راتلونکو پړاوونو په تړاو د بورډ غړو ته لازمې سپارښتنې او لارښوونې وکړې.
ورپسې ټاکل شويو کمېټو غونډې ته د خپلو کړنو راپورونه وړاندې کړل او پر اړوندو موضوعاتو بحث او پرېکړې وشوې.
غونډه د خير په دُعا سره پای ته ورسېده.
