د مالي او اداري چارو مرستيال په مشرۍ ناسته کې د چارو په چټکتيا او کارونو کې پر اخلاص ټينگار وشو
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې په کې د مالي او اداري معاونيت اړوند آمرينو او عمومي مديرانو برخه لرله، پر بېلابېلو موضوعاتو يې بحث او پرېکړې وکړې.
په دغه ناسته کې د ياد معاونيت اړوند آمرينو او عمومي مديرانو د تېر مجلس پرېکړو او د ميزان مياشتې راپورونه شريک کړل او ترې وروسته بېلابېل موضوعات بحث شول چې په اړه يې لازمې پرېکړې وشوې.
د پوهنتون مالي او اداري چارو مرستيال اړوندو مسؤلینو ته په چارو کې د اخلاص او چټکتيا په تړاو لازمې سپارښتنې او لارښوونې وکړې او ناسته د خیر په دُعا سره پای ته ورسېده.
