د تنویر لوړو زده کړو خصوصي مؤسسې د جوازه نه لرونکي(شرعیاتو) پوهنځي له فارغانو څخه د سویې د تثبیث ازموینه واخیستل شوه

Abdullah Saeed
شنبه ۱۴۰۲/۵/۱۴ - ۱۴:۵
SJAU

د لوړو زده کړو وزارت څخه د کیفیت د تضمین او اعتبار ورکولو د ريیس په مشرۍ راغلي پلاوي د کونړ سید جمال الدین افغاني پوهنتون د رهبرۍ او استادانو په ملتیا د تنویر لوړو زده کړو خصوصي مؤسسې د جواز نه لرونکي شرعیاتو پوهنځي څه له پاسه(۴۰۰) فارغانو څخه د سویې د تثبیت ازموینه واخیسته، چې بریالي ګډونوال به یې د تحصیلي اسنادو ترلاسه کولو په موخه جواز لرونکو لوړو زده کړو خصوصي بنسټونو ته معرفي شي.

ازموینې د پیل په مراسمو کې د سيد جمال الدين افغاني پوهنتون رييس پوهنمل محب الله محب راغلي پلاوي او د غونډې ټولو ګډونوالو ته د ښه راغلاست تر څنګ؛ فارغانو ته ازموينې د پوره نظم ساتلو سپارښتنه وکړه.

لوړو زده کړو وزارت، د کیفیت د تضمین او اعتبار ورکولو ريیس استاد شاکر الله وحيدي وويل: دا ازموينه د ځانګړي طرزالعمل په رڼا کې په پوره شفافيت سره اخيستل کېږي چې حق به حقدار ته وسپارل شي.

غونډې ته د لوړو زده کړو وزارت د نظارت او ارزيابۍ رييس انجينير سيد اسماعيل روحاني او د تنویر لوړو زده کړو خصوصي مؤسسې مؤسس استاد زاهد هم په خپل وار خبرې وکړې.

د یادونې وړ ده؛ هغه خصوصي لوړو زده کړو بنسټونه، پوهنځي، ديپارتمنتونه، دويمې او درېیمې شعبې چې د لوړو زده کړو وزارت له خوا یې د فعالیت جواز نه درلود، د ا.ا.ا د ریاست الوزرا قدرمن مقام د حکم پر اساس یې فعالیت بند شوی او برحاله محصلان یې جواز لرونکو لوړو زده کړو خصوصي بنسټونو ته تبدیل شوي او له فارغانو یې د سویې د تثبیت ازموینه اخیستل کېږي، چې تر بریالیتوب وروسته به د جواز لرونکو لوړو زده کړو خصوصي بنسټونو له لارې د فراغت اسناد ورکول شي.

تازه خبرونه

شنبه ۱۴۰۵/۸/۲ - ۱۴:۲۲
Background image

د افغانستان مالياتي نظام تر سرليک لاندې معلوماتي سيمينار وړاندې شو

ياد سیمينار چې د سيد جمال الدين افغاني پوهنتون د اقتصاد پوهنځي استادانو او محصلانو ته له ماليې وزارت څخه د راغلي پلاوي په همکارۍ وړاندې شو، د پوهنتون رهبرۍ، د کونړ مستوفيت استازو، د. . .

سه‌شنبه ۱۴۰۵/۷/۲۸ - ۱۴:۴۱
Background image

د کونړ محترم والي له سيد جمال الدين افغاني پوهنتون څخه د ليدنې پرمهال د پوهنتون په علمي شورا کې گډون او وينا وکړه

د کونړ محترم والي الحاج مولوي قدرت الله ابوحمزه له سيد جمال الدين افغاني پوهنتون څخه د ليدنې په ترڅ کې د ياد پوهنتون په علمي شورا کې گډون او وينا وکړه، چې د پوهنتون رهبرۍ او علمي شورا. . .

پنجشنبه ۱۴۰۵/۷/۲۳ - ۱۲:۵
Background image

د پوهنتون عمومي رئیس له اداري او خدماتي کارکوونکو سره ناسته وکړه

د سيد جمال الدين افغاني پوهنتون عمومي رئيس الحاج مولوي عبدالواسع منصور د پوهنتون له اداري او خدماتي کارکوونکو سره ناسته وکړه. د پوهنتون عمومي رئیس په خپلو خبرو کې ياد کارکوونکي مخاطب. . .

BACK TO NEWS