د کرنې پوهنځي محصلينو د کابل او باميان ولايتونو ته علمي سفر پيل کړ
سيد جمال الدين افغاني پوهنتون د کرنې پوهنځي د ځنگلپوهنې او طبيعي منابعو ديپارتمنت محصلینو د ۴ تنو استادانو په لارښوونه د کابل او باميان ولايتونو ته په يو علمي سفر ولاړل.
په دې علمي سفر کې به محصلين د کابل پوهنتون له کرنې پوهنځي، د کابل ژوبڼ، بادام باغ، قرغې بند، باميانو ته پر لار د پروان ولايت له گل غونډۍ، شېبر او اجر درو له نباتي پوښښ او وحشي ژیو، بند آمير، د باميان پوهنتون له کرنې پوهنځي او له نورو بېلابېلو ساتل شويو سېمو، څېړنيزو مرکزونو او طبيعي سرچينو څخه لیدنې ولري او د خپلو کوربنو په مرسته او د ياد پوهنځي د استادانو په لارښوونه به عملي او چاپېريالي مشاهدې وکړي.
