پوهنتون اداري کارکوونکو ته د کیفیت لوړاوي او اعتبار ساتنې په اړه د پوهاوي يو ورځنی سېمینار دایر شو
ياد يو ورځنی سېمینار چې د سيد جمال الدين افغاني پوهنتون د تضمین کیفیت آمریت له لوري په مسلکي زدهکړو پرمختیايي مرکز کې جوړ شوی ؤ، په کې د دې پوهنتون د اداري برخې آمرینو او عمومي مديرانو برخه لرله.
د سېمینار په پرانېسته کې د پوهنتون علمي چارو مرستيال پوهندوی ميرويس ستانکزي گډونوالو ته ښه راغلاست ووايه او د تضمین کیفیت پروسې د اهميت او ارزښت په اړه يې خبرې وکړې.
نوموړي همداراز د ورکشاپ له گډونوالو وغوښتل، چې په فعال گډون سره د ورکشاپ له ټولو مطالبو پوره گټه واخلي.
د يادونې ده چې د دې ورکشاپ د روزنې چارې د سيد جمال الدين افغاني پوهنتون د تضمین کیفیت آمر پوهنيار انتظار صديقي له لوري پر مخ وړل کېدې.
