پوهنتون د ازموینو عمومي کمېټې د محصلانو چارو مرستيال په مشرۍ ناسته وکړه
سيد جمال الدين افغاني پوهنتون د ازموینو عمومي کمېټې غړو پوهنتون د محصلانو چارو مرستيال پوهنمل علي احمد بهار په مشرۍ ناسته وکړه.
په یاده کاري ناسته کې په تېرو ازموینو کې پر رامنځته شويو ستونزو او حل لارو او همداراز د راتلونکې ازموینې د روڼتیا او لا معياري کېدو لپاره د اړینو تدابیرو نیولو په اړه بحث او پرېکړې وشوې.
د محصلانو چارو مرستيال د ازموینو د عمومي کمېټې غړو د تېرو کړنو او فعالیتونو له امله ستاينه او مننه وکړه چې له کبله یې د پوهنتون ازموینې تر ډېره بریده رڼې او معیاري شوې دي. نوموړي همداراز د کمېټې غړو ته سپارښتنه وکړه چې د اصولو او مقرراتو سره سم دې د راتلونکو ازموینو له پروسې څخه جدي څارنه وکړي.
د ازموینو عمومي کمېټې غړو د پوهنتون مشرتابه ته ډاډ ورکړ چې په منظمه توگه به د ازموینو د اخیستلو له بهیر څخه څارنه وکړي او له اصولو سره سم به ازموینې واخلي.
یاده ناسته د خیر په دُعا پای ته ورسېده.
