پوهنتون د محصلانو چارو مرستيال د ملي او نړۍوالو ژبو د زدهکړې کورسونو له استادانو سره ناسته وکړه
سید جمال الدین افغاني پوهنتون د محصلانو چارو مرستيال پوهنمل علي احمد بهار د ملي او نړۍوالو ژبو د زدهکړې تقويتي کورسونو له استادانو سره په خپل کاري دفتر کې ناسته وکړه چې په کې د محصلانو د خدمتونو او همغږۍ آمر مطيع الله مسرور هم حضور درلود.
د محصلانو چارو مرستيال د استادانو نظرونه او وړانديزونه واورېدل او ستونزو د حل په برخه کې يې پوره ډاډ ورکړ او همداراز يې استادانو ته د يادو کورسونو د وروستيو ازموينو د پيل او شفافيت په تړاو لازمې لارښوونې او سپارښتنې وکړې.
د يادونې ده چې د ملي او نړۍوالو ژبو د زدهکړې تقويتي کورسونه د لوړو زدهکړو وزارت د هدايت له مخې، محصلینو ته ژبنيو مهارتونو د لوړېدو په موخه پيل شول چې د دوی د ظرفیت لوړونې په برخه کې ډېر گټور تمام شوي دي. هېره دې نه وي چې د يادو کورسونو وروستۍ ازموينې نن ورځ پیل شوې او پنځه ورځې به دوام ولري.
