د اتم سمستر محصلينو ته يو ورځنی روزنیز سېمینار داير شو
سيد جمال الدين افغاني پوهنتون د ښوونې او روزنې پوهنځي د اتم سمستر محصلینو ته د(مونوگراف ليکنې نوي لارښود پېژندنه) تر سرليک لاندې يو ورځنی سېمینار داير شو چې د ياد لارښود په رڼا کې د مونوگراف ليکنې اړوند ټول موضوعات وار په وار تشريح شول.
ياد روزنیز سېمینار د پوهنتون علمي څېړنو او مجلې مرستيال پوهندوی دوکتور سيد اصغر هاشمي له لوري وړاندې شو چې د نوموړي پوهنځي لسگونو محصلينو په کې برخه لرله.
د ښوونې او روزنې پوهنځي رييس پوهنيار خليل الله حنيف په خپلو خبرو کې د علمي څېړنو او مجلې له معاونيت څخه د مننې ترڅنگ د ياد سېمينار پر دایرېدو خوښي وښوده.
