د سيد جمال الدين افغاني پوهنتون تدریسي او اجرايیه مديرانو ته يو ورځنی ورکشاپ داير شو
د پوهنتون اړوندو پوهنځیو تدریسي او اجرايیه مديرانو ته د لوړو زدهکړو مديريتي او معلوماتي سېستم(HEMIS) په اړه يو ورځنی روزنيز ورکشاپ جوړ شو.
دغه يو ورځنی ورکشاپ چې د پوهنتون محصلانو چارو معاونيت له لوري د معلوماتي ټکنالوژۍ په مرکز کې جوړ شوی ؤ، د پوهنځیو تدریسي او اجرايیه مديرانو په کې برخه لرله.
د يادونې ده، چې د داير شوي ورکشاپ روزنيزې چارې د محصلانو چارو آمر وحيدالله صافي او د کرنې پوهنځي اجراييه مدير يوسف خان عابدزي له لوري پر مخ وړل کېدې.
