د شرعياتو پوهنځي پنځه کلن ستراتيژيک پلان د تشرېح په موخه د پوهاوي يو ورځنی سېمينار داير شو
د سيد جمال الدين افغاني پوهنتون د شرعياتو پوهنځي اړوند پنځه کلن ستراتيژيک پلان د تشرېح په موخه د پوهاوي یو ورځنی سېمينار داير شو، چې د ياد پوهنځي رئيس مولوي سراج الدين عمر منصور، د څانگو آمرينو او استادانو په کې برخه لرله. د ياد سېمينار وړاندې کوونکي او د شرعياتو پوهنځي مرستيال پوهنمل رازمحمد شېرزاد د سېمينار برخهوالو ته د نوموړي پوهنځي د ستراتيژيک پلان ارزښت، جوړښت، تطبیق، ارزونې او د نورو مهمو برخو په تړاو معلومات وړاندې کړل او همداراز يې د هغوی پوښتنې هم ځواب کړې.
