د معلوماتي ټکنالوژۍ په برخه کې نږدې(۴۰) تنو محصلینو ته د فراغت سندونو ورکړل شول
سيد جمال الدين افغاني پوهنتون کې د معلوماتي ټکنالوژۍ له روزنیز کورس څخه نږدې(۴۰) تنو فارغ شویو محصلینو ته، سندونو د وېش مراسم تر سره شول.
پيل کې د پوهنتون ريیس پوهنمل محب الله محب یاد کورس د محصلينو لپاره ډېر مهم او ګټور وباله او هغوی یې لا تشویق کړل چې په نورو روزنیزو کورسونو کې فعال ګډون وکړي.
پوهنتون ريیس د معلوماتي ټکنالوژۍ عمومي مدير د فعالیتونو د ستاینې تر څنګ، نوموړي ته د نويو پروګرامونو د پيل سپارښتنه وکړه.
د معلوماتي ټکنالوژۍ عمومي مدير او د نوموړي روزنیز پروګرام استاد رفيع الله عابد؛ د ياد پروګرام په جوړښت کې د پوهنتون مشرتابه له همکارۍ څخه د مننې تر څنګ د يادې روزنيزې لړۍ د دوام ژمنه وکړه.
د يادونې وړ ده چې دا روزنيز پروګرام هغو محصلینو ته پلان شوی ؤ چې له کمپيوټر او انټرنېټ سره يې پوره اشنايي نه لرله، نو په دې روزنیز کورس سره يې وکړای شول چې په يادو برخو کې ابتدايي زده کړې تر لاسه کړي.
پای کې فارغانو ته د تصدیق پاڼو له وېش وروسته، مراسم په دُعايه کلماتو سره پای ته ورسېدل.
