د پوهنتون عمومي رئيس د شرعياتو پوهنځي له مسؤلينو او استادانو سره ناسته وکړه
د سيد جمال الدين افغاني پوهنتون عمومي رئيس الحاج مولوي عبدالواسع منصور د شرعياتو پوهنځي له مسؤلينو او استادانو سره په ناسته کې هغوی ته لارښوونه وکړه چې د پوهنتون محصلينو د سيرت او صورت اصلاح، فکري او اصلاحي روزنې ته پوره پاملرنه وکړي او همداراز د تحصيلي نصاب بيا کتنې، د اصلاح شوي نصاب له تطبيق څخه د څارنې او د پوهنتون عمومي کتابتون د کتابونو کتنې په برخه کې اجراآت وکړي او له رياست مقام سره دې د خپلو کړنو هر اړخيز راپور شريک کړي. ورپسې د ياد پوهنځي رئيس مولوي سراج الدين عمر منصور د پوهنځي د پرمختگونو، لاسته راوړنو، شته ستونزو او راتلونکو پلانونو په هکله معلومات وړاندې کړل. د پوهنتون عمومي رئيس د ياد پوهنځي په لاسته راوړنو خوښي وښوده او د ستونزو د حل ډاډ يې ورکړ. ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
