کونړ ولايت کې دیني مدارسو د عالمیې او عالیې مرحلو کلنۍ ازموینو له صحنو څخه لیدنه او څارنه وشوه
يادې ازموينې چې د سيد جمال الدين افغاني پوهنتون په انگړ کې له تېرې شنبې ورځ راپيل شوي، د کونړ مرستيال والي الحاج مـ.ـولوي عبدالله حـ.ـقاني، د علماوو شورا رييس شیخ مولوي عبدالقهار صديقي، دياد پوهنتون رييس شيخ عبدالمالک محسن، د جهادي مدرسې مشر شيخ الحديث رحمت دين مدني، لوړو زده کړو وزارت د دعوت او ارشاد ريیس شيخ شاکرالله وحدت، د دې ازموينو مديره پلاوي او اعلی نگرانانو د څلورمې ورځې له صحنو څخه لیدنه او څارنه وکړه.
پوهنتون رييس کونړ ولايت ته د دعوت او ارشاد ريیس په راتگ خوښي وښوده او روانو ازموينو د شفافيت په اړه يې ډاډ ورکړ.
دعوت او ارشاد ريیس نگرانانو ته د ازموینې ښه ترسراوي په موخه لازمې لارښوونې وکړې او په ازموينه کې يې گډونوالو فاضلانو ته د پوره نظم سپارښتنه وکړه او همداراز يې په ښه ډول د دې ازموینې په ترسراوي کې د پوهنتون رهبرۍ او اړوندو مسؤلينو له هلو ځلو مننه وکړه.
