پوهنتون د(۱۴۰۵) کال لومړنۍ د علمي شورا نوبتي ناسته وشوه
ياده ناسته چې د سيد جمال الدين افغاني پوهنتون عمومي رئيس الحاج مولوي عبدالواسع منصور په مشرۍ وشوه، د پوهنتون مرستیالانو، د پوهنځيو رئیسانو او استادانو په کې برخه لرله؛ چې د فوق لېسانس برنامو بورد تعين، د مجالسو او شوراگانو پرېکړو د ثبت کتاب لپاره واحد فارمټ ټاکل، د(اند او واند) علمي-څېړنيزو مجلو چاپ، له اړوندو ادارو سره د ترسره شويو څېړنو د پايلو شريکول، د څلورگونو معاونيتونو اړوند د تېر ۱۴۰۴ کال د څلورمې ربعې راپورونو تاييد او يو شمېر نورو موضوعاتو په اړه يې بحث او پرېکړې وکړې.
د پوهنتون عمومي رئيس په پيليزه وینا کې اړوند مسؤلين خپلو دندو ته ځیر کړل او ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
