د زراعت پوهنځي محصلينو په لومړي ځل د بلخ ولايت ته علمي سفر وکړ
سيد جمال الدين افغاني پوهنتون د زراعت پوهنځي د حيواني علومو او کرنيز اقتصاد او توسعې څانگو(۲۸) تنو محصلینو، د پوهنتون د محصلانو د خدمتونو او همغږۍ آمر په مشرۍ د(۴) تنو استادانو په گډون بلخ ولايت ته علمي سفر وکړ، چې په دې علمي سفر کې به محصلين د بلخ پوهنتون د زراعت او وترنرۍ علومو پوهنځيو د څېړنيزو مرکزونو او تحقيقاتي فارمونو په گډون د قوشتېپې کانال پروژې له روانو چارو څخه لیدنې ولري او د خپلو کوربنو په مرسته او د خپلو استادانو په لارښوونه به عملي او چاپېريالي مشاهدې وکړي.
د يادونې وړه ده چې د پوهنتون له ټاکل شوي پلان سره سم د لوړو زده کړو محترم وزارت د لارښوونو په رڼا کې دا وړ علمي سفرونه ترسره کېږي، چې د محصلينو د مسلکي ظرفيت لوړولو، علمي ودې او د عملي تجربو په حصول کې خورا مهم ارزښت لري.
