د روان تحصيلي کال د پسرلني سمستر نهايي ازموينې به د جوزا پر ۱۱مه نېټه پيل شي
ياده پرېکړه د لوړو زده کړو له محترم وزارت څخه د رالېږل شوې طرحې له مخې د سيد جمال الدين افغاني پوهنتون د علمي شورا په هغه غونډه کې وشوه، چې د پوهنتون عمومي رئيس الحاج مولوي عبدالواسع منصور په مشرۍ ترسره شوه.
په نوموړې کاري ناسته کې، چې د پوهنتون مرستيالانو، د پوهنځيو رئيسانو او استادانو په کې برخه لرله، د يادې پرېکړې سربېره د زراعت پوهنځي د دوه تنو استادانو د علمي ترفيعاتو پر کيسونو او يو شمېر نورو مهمو موضوعاتو په هکله بحث او لازمې پرېکړې وشوې.
