پوهنتون رييس د روان خزاني سمستر له تدریسي بهیر څخه لیدنه او څارنه وکړه
د سيد جمال الدين افغاني پوهنتون رييس شيخ عبدالمالک محسن؛ د محصلانو چارو مرستیال مفتي شېرافضل منصور په ملتيا د اړوند پوهنځيو تدریسي چارې له نږدې ولیدې چې د ليدنې پر مهال يې د پوهنځيو د تدریسي بهیر د څارنې او ارزونې تر څنگ؛ د استادانو او محصلینو ستونزې واورېدې او هغوی ته يې د حل ډاډ وکړ. د پوهنتون مشرتابه د تدريسي بهير د لاښهوالي په پار د پوهنځيو مسؤلینو او استادانو ته جدي لارښوونې او سپارښتنې وکړې.
د يادونې ده چې د پوهنتون رهبري پلاوي د جدیدالشمول محصلينو د نوملیکنې له بهير څخه هم ليدنه وکړه او د نوملیکنې په پروسه کې يې د بوختو اداري کارمندانو د چارو د ستاينې ترڅنگ، محصلين د نومليکنې پر مهال د نظم مراعت ته را وبلل.
