د زراعت پوهنځي محصلينو ته د چاپېريال ساتنې اهميت، پر وړاندې يې ستونزې او حل لارې تر سرليک لاندې د پوهاوي سېمينار داير شو
ياد يو ورځنی سېمينار چې د سيد جمال الدين افغاني پوهنتون د زراعت پوهنځي له لوري د پوهنتون مسلکي پرمختيا په مرکز کې داير شوی ؤ، لسگونو محصلينو په کې برخه اخيستې وه.
د سېمينار په ترڅ کې د ياد پوهنځي استاد پوهنمل محيب الله صافي له لوري د اسلام له نظره د چاپېريال ساتنې اهميت او ارزښت، چاپېريال د ککړتيا لاملونه، چاپېريال ته ورپېښې ستونزې، د چاپېريال ساتنې فردي او ټولنيز مسؤليتونه، چاپېريالي ستونزو د حل لارې چارې او نور بېلابېل موضوعات په پوره ډول تشرېح شول او همداراز يې د گډونوالو پوښتنې هم ځواب کړې.
