د پوهنتون ريیس په خپل کاري دفتر کې؛ د لوړو زده کړو وزارت د اداري او زیربنا ريیس په مشرۍ له راغلي پلاوي سره وکتل
د سيد جمال الدين افغاني پوهنتون ريیس پوهنمل محب الله محب په خپل کاري دفتر کې؛ کونړ ولايت ته د لوړو زده کړو وزارت د اداري او زیربنا ريیس قاضي عبدالعزیز عزیزي په مشرۍ راغلي پلاوي سره وکتل.
یاد پلاوی له فتحې وړاندې د پوهنتونونو د باقیداریو او ناتکمیله پروژو د بررسۍ په موخه ټاکل شوی، چې د خپلو بررسیو په لړ کې یې دا ځل په ياد پوهنتون کې د دا ډول پروژو په اړه د پوهنتون له مشرتابه پلاوي سره ناسته وکړه.
د سيد جمال الدين افغاني پوهنتون رييس پوهنمل محب الله محب په ياده برخه کې د لوړو زده کړو وزارت تخنیکي پلاوي ته د همکارۍ پوره ډاډ ورکړ. نوموړي په دغه پوهنتون کې له هغو پروژو هم يادونه چې چارې یې نیمګړې پاتې دي او په دې برخه کې يې له ياد پلاوي د پوره همکارۍ غوښتنه وکړه.
د لوړو زده کړو وزارت اداري او زیربنا ريیس او د یاد پلاوي مشر قاضي عبدالعزیز عزیزي د نوموړي پلاوي په اړه معلومات ورکړل او ویې ویل چې د لوړو زده کړو وزارت له خوا ټاکل شوی تخنیکي پلاوی، چې د مالیې وزارت او د تفتیش عالي ادارې مسؤلین هم په کې برخه لري، د ختیځ زون د امارتي تحصیلي بنسټونو مالي باقیدارۍ او همدارنګه ناتکمیلې پروژې، چې د بېلابېلو عواملو له امله یې چارې ځنډېدلې، له نږدې گوري، تر څو یې د حل په موخه لازم اقدامات وشي.
د يادونې وړ چې ټاکل شوي تخنیکي پلاوي په خپله برخه کې عملاً په کار پيل کړ.
