د پوهنتون سره د کونړ ولايت مقام له لوري د يو پايه جنراتور او نورو لوازمو مرسته وشوه
د سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد وايي، چې په نوموړي(۳۲) کيلو واټه جنراتور سره به د پوهنتون برېښنا اړوند ستونزې يو څه حل شي. د ياد پوهنتون رهبري د کونړ ولايت مقام له شفقت څخه مننه کوي، چې تل د دې تحصیلي بنسټ د پرمختيا او ستونزو د حل په برخه کې هر اړخيزه همکاري او مرسته کوي.
