د پوهنتون عمومي رئيس د کمپيوټرساينس پوهنځي له مسؤلينو او استادانو سره ناسته وکړه
د سيد جمال الدين افغاني پوهنتون عمومي رئيس الحاج مولوي عبدالوسع منصور د کمپيوټرساينس پوهنځي له مسؤلينو او استادانو سره په ناسته کې د عصري ټکنالوژۍ پر اهميت هر اړخيزې خبرې وکړې او هغوی ته يې لارښوونه وکړه چې د ځانبسياينې او پرمختگ په برخه کې ورسره خپلې علمي او عملي طرحې شريکې کړې. ورپسې د ياد پوهنځي رييس پوهنيار ذاکرالله عزام د پوهنځي د پرمختگونو، لاسته راوړنو، شته ستونزو او راتلونکو پلانونو په هکله معلومات وړاندې کړل او په لنډ وخت کې يې د يادو طرحو د چمتو کولو او سپارلو ژمنه وکړه. د پوهنتون عمومي رئيس د ياد پوهنځي په لاسته راوړنو خوښي وښوده او د ستونزو د حل ډاډ يې ورکړ. ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
