سید جمال الدین افغاني پوهنتون د افغان نړیوال اسلامي پوهنتون په ملي کنفرانس کې لومړی مقام خپل کړ
په اکاډمیکو بنسټونو کې د څېړنې پیاوړتیا تر سرليک لاندې د افغان نړیوال اسلامي پوهنتون په ملي کنفرانس کې د سید جمال الدین افغاني پوهنتون د ۱۲ مقالو په لیکلو سره وکړای شول چې لومړی مقام خپل کړي، ياد ملي کنفرانس ته د علمي څېړنو او مجلې مرستيال پوهندوی دوکتور سید اصغر هاشمي ۳ مقالې، د پوهنمل عمران رفیق ۱ مقاله، پوهنیار حامد احمد مراد ۱ مقاله، پوهنمل ذاکر الله نصـرتیار ۲ مقالې، پوهنمل ذبیح الله کوټوال ۱ مقاله، پوهنیار محبت شاه محبت ۲ مقالې، پوهنیار مجیب الله ایوبي ۱ مقاله او پوهنیار مالیار صدیقي ۲ مقالې لیکلې وې چې په دې کنفرانس کې يې ارایه کړې.
د سید جمال الدین افغاني پوهنتون رهبري د دې لوړ علمي وقار د ترلاسه کولو له امله په ټوله کې د لوړو زدهکړو سرتاسري کورنۍ او په ځانگړي ډول د دې پوهنتون ټول زيارکښ پرسونل ته مبارکي وايي، دا پوهنتون د خپل برم تر لاسه کولو لهپاره په هڅه کې دی او په ډېر کم وخت کې يې ستر کارونه ترسره کړي دي.
د يادونې ده چې د دې علمي بنسټ استادانو په تېر کې هم د علمي مقالو د محتوا او شمېر له مخې د کار او ټولنیزو چارو وزارت له لوري د کار په ملي کنفرانس کې لومړی، د لوړو زدهکړو وزارت له لوري د پکتیا پوهنتون په اقتصادي پرمختیا ملي کنفرانس کې دویم، د تخار پوهنتون د افغانستان په دوامداره پرمختگ کې د طبیعي زېرمو د مدیریت رول په ملي کنفرانس کې درېيم، د بدخشان پوهنتون د سیاحت په اړه جوړ شوي ملي کنفرانس کې پنځم او د کابل ښوونې او رزونې پوهنتون د ښوونې او روزنې پرمختیايي په ملي کنفرانس کې اووم مقام تر لاسه کړی ؤ.
