له زراعت پوهنځي ۶۳ تنه محصلين فارغ او ټولنې ته د خدمت په موخه وړاندې شول

Abdullah Saeed
Thu, Jul 31 2025 1:10 PM
SJAU

سيد جمال الدين افغاني پوهنتون د زراعت پوهنځي له څلورو ديپارتمنتونو څخه د لېسانس په کچه تر لوړو زدهکړو وروسته په دولسمه دوره کې(۶۳) تنه محصلين فارغ او ټولنې ته د خدمت په موخه وړاندې شول.

په دې تړاو جوړه شوې غونډه چې د پوهنتون په تالار کې رابلل شوې وه، د پوهنتون رييس شيخ عبدالمالک محسن، د پوهنځيو رييسانو، کونړ د ځېنيو ولايتي ادارو مسؤلينو او مېلمنو، د پوهنتون استادانو او اداري کارکوونکو، فارغېدونکو محصلينو او هغوی د کورنیو غړو په کې برخه لرله.

غونډه د قرآن کريم د څو مبارکو آیاتونو پر تلاوت پیل شوه او ورپسې د کرنې پوهنځي رييس پوهندوی محمد حسن محمدي په پرانیستونکې وینا کې د فارغېدونکو محصلينو کورنيو ته د مبارکۍ ترڅنگ هغوی ته ډاډ ورکړ چې بچيان يې پر اسلامي روحيه او د مسلکي پوهې پر گاڼه سمبال روزل شوي دي.

ورپسې د پوهنتون رييس شيخ عبدالمالک محسن فارغانو او د دوی کورنيو ته مبارکي ورکړه او هغوی يې لا نورو لوړو تخصصي زده‌کړو ته وهڅول. نوموړي په خپلو خبرو کې هېوالوالو ته ډاډ ورکړ، چې د تېر پر تله د پوهنتونونو درسي کيفيت ښه شوی او د دې پوهنتون استادانو په پوره اخلاص دا فارغان په ديني او عصري زدهکړو سمبال روزلي چې کولای شي د هېواد په پرمختگ کې رغنده رول اداء کړي.

غونډې ته د کونړ ولايت د چاپېريال ساتنې رييس ډاکټر محمد رحمن صابر او فارغېدونکو محصلينو په استازۍ سميع الله ماموند هم ويناوې وکړې. پای کې فارغانو ته د تصدیق پاڼو له وېش وروسته غونډه د پوهنتون د دعوت او ارشاد آمر مولوي اعجازالحق زلِف پر لنډې وينا او دُعايه کلماتو سره پای ته ورسېده.

Latest news

Wed, Aug 27 2025 3:18 PM
Background image

د اقتصاد پوهنځي له لوري د ممتازو محصلینو د ستاينې ترڅنگ؛ جديدالشمول محصلانو ته ښه راغلاست وويل شو

پیل کې د اقتصاد پوهنځي رييس پوهنيار حامد احمد مراد په خپلو خبرو کې د ياد پوهنځي له استادانو او اداري کارکوونکو مننه وکړه چې د محصلينو په روزنه او د پوهنځي په پرمختگ کې يې نه ستړې. . .

Wed, Aug 27 2025 2:54 PM
Background image

پوهنتون د څېړنو عمومي کمېټې ناسته وشوه

سيد جمال الدين افغاني پوهنتون د څېړنو عمومي کمېټې د علمي څېړنو او مجلې مرستيال پوهندوی دوکتور سيد اصغر هاشمي په مشرۍ ناسته وکړه، چې د علمي څېړنو آمر پوهنمل دوکتور محمدسليم کريمزي او د. . .

Wed, Aug 27 2025 10:57 AM
Background image

د ليليې په مسجد کې د قرانکريم"ترجمې او تفسير" د درسونو پر دوام د المائدې سورت افتتاح وشوه

سيدجمال الدين افغاني پوهنتون د ليليې په مسجد کې محصلينو ته؛ د دعوت او ارشاد آمريت د درسونو په لړ کې تېره ورځ د ماښام تر لمانځه وروسته، د قرانکریم"ترجمې او تفسیر" د درسونو پر دوام د کونړ. . .

BACK TO NEWS