له شرعياتو پوهنځي څخه ۵۶ تنه محصلين فارغ او ټولنې ته د خدمت په موخه وړاندې شول

Abdullah Saeed
Wed, Jul 30 2025 12:52 PM
SJAU

سيد جمال الدين افغاني پوهنتون د شرعياتو پوهنځي د دوو(فقه او قانون او اسلامي تعليماتو) له ديپارتمنتونو څخه د لېسانس په کچه تر څلور کلنو ديني او تخصصي زده‌کړو وروسته په دولسمه دوره کې(۵۶) تنه محصلين فارغ او ټولنې ته د خدمت په موخه وړاندې شول.

په همدې موخه جوړه شوې غونډه کې د پوهنتون رييس شيخ عبدالمالک محسن، کونړ ولایت د علماوو شورا رييس شيخ عبدالقهار صديقي، د پوهنځيو رييسانو، کونړ د ځېنيو ولايتي ادارو مسؤلينو او مېلمنو، د پوهنتون استادانو، فارغېدونکو محصلينو او هغوی د کورنیو غړو گډون کړی ؤ.

غونډه د قرآن کريم د څو مبارکو آیاتونو پر تلاوت پیل شوه او ورپسې د شرعياتو پوهنځي رييس مولوي سراج الدين عمر منصور د ښه راغلاست وینا وکړه او فارغېدونکو محصلينو او د هغوی کورنيو ته مبارکي وويله.

غونډې ته د پوهنتون رييس شيخ عبدالمالک محسن په خپله وینا کې فارغېدونکي محصلين مخاطب کړل، چې اوس تاسو ته ډېر مهم مسؤليت متوجه شو نو په سرته رسولو کې يې له اخلاص او ښه نيت څخه کار واخلئ. نوموړي هغوی لا نورو تخصصي-لوړو زده‌کړو او پراخې مطالعې ته وهڅول.

کونړ ولایت د علماوو شورا رييس شيخ عبدالقهار صديقي په خپلو خبرو کې فارغېدونکو محصلينو ته مبارکي وويله او هغوی ته يې تر فراغت وروسته د مسؤليت په تړاو لازمې توصيې وکړې.

غونډې ته د کونړ ولايت محاکمو رياست د عامه امنيت دېوان رييس مولوي رحمت الله، د شرعياتو پوهنځي استاد پوهندوی مولوي عطاءالله عصامي او د فارغېدونکو محصلينو په استازۍ مولوي عبدالسلام بابر هم ويناوې وکړې. پای کې غونډه فارغانو ته د تصدیق پاڼو له وېش وروسته، په دُعايه کلماتو سره پای ته ورسېده.

Latest news

Wed, Aug 27 2025 3:18 PM
Background image

د اقتصاد پوهنځي له لوري د ممتازو محصلینو د ستاينې ترڅنگ؛ جديدالشمول محصلانو ته ښه راغلاست وويل شو

پیل کې د اقتصاد پوهنځي رييس پوهنيار حامد احمد مراد په خپلو خبرو کې د ياد پوهنځي له استادانو او اداري کارکوونکو مننه وکړه چې د محصلينو په روزنه او د پوهنځي په پرمختگ کې يې نه ستړې. . .

Wed, Aug 27 2025 2:54 PM
Background image

پوهنتون د څېړنو عمومي کمېټې ناسته وشوه

سيد جمال الدين افغاني پوهنتون د څېړنو عمومي کمېټې د علمي څېړنو او مجلې مرستيال پوهندوی دوکتور سيد اصغر هاشمي په مشرۍ ناسته وکړه، چې د علمي څېړنو آمر پوهنمل دوکتور محمدسليم کريمزي او د. . .

Wed, Aug 27 2025 10:57 AM
Background image

د ليليې په مسجد کې د قرانکريم"ترجمې او تفسير" د درسونو پر دوام د المائدې سورت افتتاح وشوه

سيدجمال الدين افغاني پوهنتون د ليليې په مسجد کې محصلينو ته؛ د دعوت او ارشاد آمريت د درسونو په لړ کې تېره ورځ د ماښام تر لمانځه وروسته، د قرانکریم"ترجمې او تفسیر" د درسونو پر دوام د کونړ. . .

BACK TO NEWS