له غزني پوهنتون سره د دوه اړخیزو علمي همکاریو هوکړه لیک لاسلیک شو
د سید جمالالدین افغاني پوهنتون او د غزني پوهنتون ترمنځ د دوه اړخیزو علمي همکاریو هوکړهلیک لاسلیک شو.
د غزني پوهنتون او د سید جمالالدین افغاني پوهنتون ترمنځ د دوه اړخیزو علمي، څېړنیزو او اکادمیکو همکاریو هوکړهلیک د دواړو پوهنتونونو د مسؤلینو له لوري په غزني پوهنتون کې لاسلیک شو.
پیل کې د غزني پوهنتون عمومي ريیس الحاج مولوي عبدالواسع منصور د سید جمالالدین افغاني پوهنتون ورغلي پلاوي ته ښه راغلاست او هرکلی ووايه او زیاته یې کړه چې د پوهنتونونو ترمنځ دا ډول همکارۍ زموږ د هېواد د علمي او څېړنیز پرمختگ بنسټ جوړوي. موږ باور لرو چې د گډو علمي پرو گرامونو، د استادانو او محصلینو د تبادلې، او د گډو څېړنو له لارې به د دواړو پوهنتونونو کچه لا پسې لوړه شي.
په ورته وخت کې، د سید جمالالدین افغاني پوهنتون د علمي چارو مرستیال قاضي عبدالهادي فضلي د غزني پوهنتون له رهبرۍ څخه مننه وکړه؛ او دارنگه یې د تفاهملیک او د پوهنتونونو ترمنځ د گډو علمي همکاریو په اهمیت خبرې وکړې او د دواړو پوهنتونونو ترمنځ د تفاهمنامې لاسلیک یې یو مهم گام وباله او زیاته یې کړه چې موږ هڅه کوو چې له غزني پوهنتون سره د علم، څېړنې، د کیفیت لوړونې او د نوي علمي نسل د روزنې په برخه کې هر اړخیزه همکاري وکړو.
دغه هوکړه لیک د دواړو پوهنتونونو د علمي اړیکو د پیاوړتیا، د متقابلې تجربې د شریکولو او د علمي همکارۍ د یو نوي فصل پیل گڼل کېږي.
