له کمپیوټرساينس پوهنځي فارغ ۶۱ مسلکي کادرونه د ټولنې خدمت ته وړاندې شول

Abdullah Saeed
Tue, Aug 20 2024 3:08 PM
SJAU

د سيد جمال الدين افغاني پوهنتون له کمپیوټرساينس پوهنځي څخه د لېسانس په کچه تر څلور کلنو مسلکي زدهکړو وروسته(۶۱) تنه محصلين فارغ او ټولنې ته د خدمت په موخه وړاندې شول.

په دې تړاو جوړه شوې غونډه چې د پوهنتون په تالار کې رابلل شوې وه، په کې د پوهنتون رييس شيخ عبدالمالک محسن، کونړ ولایت د علماوو شورا رييس شيخ عبدالقهار صديقي، ولايت مقام د دفتر رييس مولوي محمد امين حقپرست، پوهنتون د مالي او اداري چارو مرستيال قاري رحمن الله صادق، کونړ ولايت د ځېنيو ادرو مسؤلينو، د پوهنځيو رييسانو، د پوهنتون استادانو، فارغېدونکو محصلينو او د دوی د کورنیو غړو برخه لرله.

پيل کې د قرآن کريم د مبارکو آیاتونو تر تلاوت وروسته د کمپیوټرساينس پوهنځي رييس پوهنيار ذاکرالله عزام د غونډې گډونوالو ته د ښه راغلاست ترڅنگ؛ فارغېدونکي محصلين د دې جوگه وبلل، چې د عصري ټکنالوژۍ په برخه کې به د هېوادوالو اړتياوې پوره کړي، نوموړي همداراز د پوهنځي له پلانونو او لاسته راوړنو يادونه وکړه.

غوندې ته د پوهنتون رييس شيخ عبدالمالک محسن په خپلو خبرو کې فارغېدونکو محصلينو او د هغوی کورنيو ته مبارکي وويله او هغوی يې مخاطب کړل چې تاسو اوس د مسؤليتونو ډگر ته داخل شوئ نو هره شېبه؛ د وطن د ابادۍ لپاره کار وکړئ.

ورپسې د کونړ ولایت علماوو شورا رييس شيخ عبدالقهار صديقي په خپلو خبرو کې وويل چې د کمال په درجه سمبال مسلکي کادرونو ته زموږ ټولنه اشد ضرورت لري نو ځانونه په پوره همت سره د کمال درجې ته ورسوئ.

غونډې ته د ولايت مقام د دفتر رييس مولوي محمد امين حقپرست، کونړ کې د اترا ادارې ولايتي مسؤل انجېنير اعجازالحق يوسفزي، د فارغېدونکو محصلينو کورنيو په استازۍ مولوي محمد ابراهيم سجاد او د محصلينو په نماينده‌گۍ عبدالغفور عادل هم ويناوې وکړې.

پای کې غونډه فارغانو ته د تصدیق پاڼو له وېش وروسته، پوهنتون د دعوت او ارشاد آمر مولوي اعجازالحق زلف له لوري په دُعايه کلماتو سره پای ته ورسېده.

Latest news

Mon, Mar 24 2025 1:21 PM
Background image

پوهنتون کې د ځنگلونو، اوبو او هوا د پېژندنې او ارزښت په تړاو يو ورځنی علمي سېمينار داير شو

نن ورځ د سيد جمال الدين افغاني پوهنتون د غونډو په تالار کې د محصلانو چارو معاونيت تر چتر لاندې د محصلانو د خدمتونو او همغږۍ آمريت له لوري او د کرنې پوهنځي په همکارۍ د ځنگلونو، اوبو او. . .

Sat, Mar 15 2025 1:33 PM
Background image

پوهنتون کې د نیالگیو کښېنولو کمپاین پیل شو

یاد کمپاین چې سيد جمال الدين افغاني پوهنتون د مالي او اداري چارو معاونيت تر چتر لاندې د چاپېریال ساتنې عمومي کمېټې او خدماتو آمريت په گډو هڅو د نږدې(۶۰۰) نيالگيو په کښېنولو سره پیل شو،. . .

Wed, Mar 12 2025 3:30 PM
Background image

پوهنتون د مالي او اداري چارو مرستيال د ترميم پروژې له روانو چارو لیدنه او څارنه وکړه

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي په ملتيا د يادې څارنې په ترڅ کې پوهنتون د غونډو. . .

BACK TO NEWS