محصلينو ته د نوښت او ابتکار په اړه يو ورځنی سېمينار داير شو
دغه روزنيز سېمينار چې د سيد جمال الدين افغاني پوهنتون محصلينو ته د محصلانو چارو معاونيت اړوند د محصلانو د خدمتونو او همغږۍ آمريت له لوري د پوهنتون معلوماتي ټکنالوژۍ په مرکز کې جوړ شوی ؤ، لسگونو محصلينو په کې برخه لرله.
پيل کې د محصلانو د خدمتونو او همغږۍ آمر مولوي عبدالله مسلم د سېمينار اهميت او ارزښت په تړاو معلومات وړاندې کړل او ورپسې د علمي څېړنو او مجلې مرستيال پوهندوی دوکتور سيد اصغر هاشمي د نوښت او ابتکار په تړاو چمتو کړي موضوعات وار په وار تشريح کړل او همداراز يې د گډونوالو پوښتنې هم ځواب کړې.
د يادونې ده چې برخهوالو محصلينو د سېمينار پر دايرېدو خوښي وښوده او په راتلونکي کې يې د ورته نورو پروگرامونو د جوړېدو غوښتنه وکړه.
