پوهنتون د رييس په مشرۍ د مالي کمېټې په کاري ناسته کې د ۱۴۰۴ مالي كال په تدارکاتي پلان بحث او خبرې وشوې
ياده ناسته چې د سيد جمال الدين افغاني پوهنتون رييس شيخ عبدالمالک محسن په مشرۍ وشوه، په کې د علمي چارو مرستيال قاضي عبدالهادي فضلي، د مالي او اداري چارو مرستيال حافظ مولوي محمدعثمان سعيد، د اقتصاد پوهنځي رييس پوهنيار حامد احمد مراد او د کمېټې نورو غړو برخه لرله. پوهنتون رييس د پرانیستې وینا پر مهال اخلاص، شفافيت او دقيقه حساب ورکونه په مالي او حسابي برخه کې مهم وبلل او اړوند مسؤلين يې خپلو دندو ته ځیر کړل.
په ياده کاري ناسته کې د پوهنتون رهبرۍ ته د مالي او حسابي چارو آمر قاري عمر شاهين د ۱۴۰۳ مالي کال د لگښتونو او عوايدو گزارش او د تهيې، تدارکاتو او خدماتو آمر محمد موسی محمدي د ۱۴۰۴ مالي کال د تدارکاتي پلان په تړاو معلومات ورکړل. دغه کاري ناسته چې د ۱۴۰۴ مالي کال قراردادونو د طی مراحل او د معاشاتو ترتيب انلاين سېستم(پيرول) کې د حساب ايجادولو په اړه په کې بحث او پرېکړې وشوې؛ د خیر په دُعا پای ته ورسېده.
