پوهنتون د محصلانو چارو مرستيال د پوهنځيو له تدريسي مديرانو سره ناسته وکړه
سيد جمال الدين افغاني پوهنتون د محصلانو چارو مرستيال پوهنمل علي احمد بهار د پنځه گونو پوهنځيو له تدريسي مديرانو سره د اړوندو چارو د چټکتيا په موخه ناسته وکړه، چې د يادو مديرانو سربېره په کې د دې معاونيت اړوند آمرينو او مديرانو هم برخه لرله.
پیل کې د محصلانو چارو مرستيال د شورا ارزښت او اهميت په تړاو هر اړخيزې خبرې وکړې او وروسته له اجندا سره سم؛ فراغت جدولونو د ستونزو پر حل، پسرلني سمستر د مهالوېش په ترتيب، محصلانو د مونوگرافونو طی مراحل، د لوړو زده کړو زدهکړييز مديريتي سېستم(HELMS) او د يو شمېر نورو موضوعاتو په اړه بحث او پرېکړې وشوې. یاده ناسته د خیر په دُعا پای ته ورسېده.
