پوهنتون د نصاب عمومي کمېټې د علمي چارو مرستيال په مشرۍ ناسته وکړه

Abdullah Saeed
Mon, Dec 02 2024 2:10 PM
SJAU

سيد جمال الدين افغاني پوهنتون د نصاب عمومي کمېټې ناسته چې نن ورځ د علمي چارو مرستيال قاضي عبدالهادي فضلي په مشرۍ وشوه، د شرعياتو پوهنځي د نصاب اړوند پر یو لړ مهمو موضوعاتو په کې بحث او خبرې وشوې.

ياده ناسته چې د قرآن‌کریم د څو مبارکو ایاتونو پر تلاوت پیل شوه، ترې وروسته د پوهنتون علمي چارو مرستيال گډونوالو ته د ښه راغلاست ترڅنگ؛ تحصيلي نصاب د زده‌کړې اساسي موخو ته د رسېدو لپاره يو مهم اصل وباله او استادانو ته يې د ټاکل شويو مفرداتو د بشپړ پلي کېدو سپارښتنه وکړه.

ناستې ته د پوهنتون علمي څېړنو او مجلې مرستيال پوهندوی دوکتور سيد اصغر هاشمي وويل چې نصاب د تحصيلي نظام لپاره له ډېر ارزښت څخه برخه‌من دی او استادان يې پر پلي کېدو مکلف دي.

د شرعياتو پوهنځي رييس مولوي عبدالمنان عارف، د دې پوهنځي ديپارتمنت آمرینو او لوړ رتبه استادانو په خپلو خبرو کې د پوهنتون له مشرتابه سره د ياد پوهنځي نصاب اړوند خپل نظرونه او وړانديزونه شريک کړل.

یاده ناسته د خیر په دُعا پای ته ورسېده.

Latest news

Mon, Mar 24 2025 1:21 PM
Background image

پوهنتون کې د ځنگلونو، اوبو او هوا د پېژندنې او ارزښت په تړاو يو ورځنی علمي سېمينار داير شو

نن ورځ د سيد جمال الدين افغاني پوهنتون د غونډو په تالار کې د محصلانو چارو معاونيت تر چتر لاندې د محصلانو د خدمتونو او همغږۍ آمريت له لوري او د کرنې پوهنځي په همکارۍ د ځنگلونو، اوبو او. . .

Sat, Mar 15 2025 1:33 PM
Background image

پوهنتون کې د نیالگیو کښېنولو کمپاین پیل شو

یاد کمپاین چې سيد جمال الدين افغاني پوهنتون د مالي او اداري چارو معاونيت تر چتر لاندې د چاپېریال ساتنې عمومي کمېټې او خدماتو آمريت په گډو هڅو د نږدې(۶۰۰) نيالگيو په کښېنولو سره پیل شو،. . .

Wed, Mar 12 2025 3:30 PM
Background image

پوهنتون د مالي او اداري چارو مرستيال د ترميم پروژې له روانو چارو لیدنه او څارنه وکړه

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي په ملتيا د يادې څارنې په ترڅ کې پوهنتون د غونډو. . .

BACK TO NEWS