پوهنتون رييس د محصلينو دعوت او ارشاد کمېټې له مسؤلينو سره ناسته وکړه
د سيد جمال الدين افغاني پوهنتون رييس شيخ عبدالمالک محسن د محصلينو دعوت او ارشاد کمېټې له مسؤلينو سره ناسته وکړه.
ياده ناسته کې د دعوت او ارشاد آمر مولوي اعجازالحق زلف په گډون د محصلينو دعوت او ارشاد کمېټې مسؤلينو برخه لرله.
د پوهنتون رييس په خپلو خبرو کې د يادې کمېټې خدمتونه او هڅې وستايلې او د معروفاتو اقامې او منکراتو د ازالې او همداراز د اسلام په مبارک دين کې د دعوت او ارشاد پر مقام او تاريخي سلسله تفصيلي خبرې وکړې.
د دعوت او ارشاد آمر د خپلې وينا پر مهال پر نوي طرزالعمل رڼا واچوله او د کېمټې مسؤلين يې خپلو کارونو ته ځير کړل.
يادې کمېټې مسؤلينو د پوهنتون له رييس سره په اړونده برخه کې خپلې ستونزې، غوښتنې او وړانديزونه شريک کړل، چې د پوهنتون مشرتابه له لوري ورته د ستونزو د حل او غوښتنو او وړانديزونو د پوره کېدو ډاډ ورکړل شو.
