پوهنتون مشرتابه له لوري د کار په ملي کنفرانس کې گډونوال استادان وستايل شول

Abdullah Saeed
Sun, Oct 20 2024 4:10 PM
SJAU

د کار او ټولنیزو چارو وزارت له لوري په ترتيب شوي د(کار ملي کنفرانس) کې د پوهنتون په استازۍ گډونوال استادان نن ورځ د يوې شاندارې غونډې په ترڅ کې وستايل شول چې علمي مقالو يې د محتوا او شمېر له مخې د افغانستان په کچه دې پوهنتون ته د لومړي مقام وياړ وربخښلی ؤ.

په همدې مناسبت د ياد پوهنتون د څېړنو او مجلو معاونيت په نوښت او پوهنتون د نشراتو او فرهنگي چارو عمومي کمېټې په هلوځلو د پوهنتون د غونډو په تالار کې ستاینغونډه جوړه شوې وه، چې د پوهنتون مشرتابه پلاوي سربېره په کې د کونړ ولايتي ادارو مسؤلينو، د پوهنځیو رييسانو، استادانو، اداري کارکوونکو او محصلینو برخه لرله.

غونډې ته د سيد جمال الدين افغاني پوهنتون ريیس شیخ عبدالمالک محسن او نورو مشرانو په خپلو ويناوو کې د پوهنتون استادان وهڅول چې په راتلونکي کې تر دې ډېرې لاسته راوړنې او نوښتونه ولري او ياده غونډه استادانو ته د ستاينليکونو پر وېش او دُعايه کليماتو سره پای ته ورسېده.

د يادونې ده چې د سيد جمال الدين افغاني پوهنتون استادان په داخلي ملي او نړۍوالو کنفرانسونو کې دوامداره برخه اخلي او لوړو زده‌کړو وزارت د څېړنې، تألیف او ژباړې ریاست له لوري په تر سره شویو کنفرانسونو کې يې هم د پام وړ علمي او څېړنيزې مقالې وړاندې کړې دي چې ياد پوهنتون ته يې د پام وړ اعتبار وربخښلی دی.

Latest news

Mon, Mar 24 2025 1:21 PM
Background image

پوهنتون کې د ځنگلونو، اوبو او هوا د پېژندنې او ارزښت په تړاو يو ورځنی علمي سېمينار داير شو

نن ورځ د سيد جمال الدين افغاني پوهنتون د غونډو په تالار کې د محصلانو چارو معاونيت تر چتر لاندې د محصلانو د خدمتونو او همغږۍ آمريت له لوري او د کرنې پوهنځي په همکارۍ د ځنگلونو، اوبو او. . .

Sat, Mar 15 2025 1:33 PM
Background image

پوهنتون کې د نیالگیو کښېنولو کمپاین پیل شو

یاد کمپاین چې سيد جمال الدين افغاني پوهنتون د مالي او اداري چارو معاونيت تر چتر لاندې د چاپېریال ساتنې عمومي کمېټې او خدماتو آمريت په گډو هڅو د نږدې(۶۰۰) نيالگيو په کښېنولو سره پیل شو،. . .

Wed, Mar 12 2025 3:30 PM
Background image

پوهنتون د مالي او اداري چارو مرستيال د ترميم پروژې له روانو چارو لیدنه او څارنه وکړه

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي په ملتيا د يادې څارنې په ترڅ کې پوهنتون د غونډو. . .

BACK TO NEWS