پوهنتون کې د پایلو پر بنسټ پوهې او محصل محوره زدهکړو د تدریسي تگلارو په اړه پيل شوی روزنيز ورکشاپ پای ته ورسېد
دغه ورکشاپ چې د سيد جمال الدين افغاني علمي چارو معاونيت په چوکاټ کې د مسلکي پرمختيا آمريت له لوري د(۱۰) لسو ورځو پر دوام جوړ شوی ؤ، د ياد پوهنتون د پنځهگونو پوهنځيو شااوخوا(۳۰) تنه استادانو په کې برخه لرله.
د سيد جمال الدين افغاني پوهنتون عمومي رئيس الحاج مولوي عبدالواسع منصور په پوهنتونونو کې د موخو پربنسټ پوهې او محصل محوره زده کړو په اړتيا او ارزښت خبرې وکړې او له ټولو برخهوالو استادانو يې وغوښتل چې له روزنيز ورکشاپ څخه د تر لاسه شوې پوهې او مطالبو څخه په تدريس کې پوره گټه واخلي.
د پکتيکا پوهنتون استاد او د ياد ورکشاپ متخصص روزونکي پوهنمل حزب الله رحماني په خپلو خبرو کې هيله يې وښوده چې برخهوال استادان به په ټولگيو کې د ترلاسه شويو مطالبو د تطبيق هڅه وکړي.
پوهنتون د مسلکي پرمختيا آمر پوهنيار امان الله توتاخېل د استادانو له فعال گډون څخه مننه وکړه او د ظرفيت لوړونې په برخه کې يې د نورو روزنيزو پروگرامونو د جوړېدو ژمنه وکړه. د یادونې وړ ده، چې د متخصص روزونکي د هڅو او اخلاص د ستاسنې په موخه د پوهنتون رهبرۍ له لوري نوموړي ته ستاينليک هم ورکړل شو.
