پوهنتون کې د کرکټ او واليبال پيل شوې سيالۍ د کرنې پوهنځي په بري پای ته ورسېدې

Abdullah Saeed
Tue, Jul 23 2024 3:20 PM
SJAU

یادې سیالۍ چې د سيد جمال الدين افغاني پوهنتون محصلانو چارو معاونيت په نوښت او د سپورت مرکزي کمېټې په هلو ځلو پيل شوې وې، په هر ټورنمنټ کې د پوهنتون اړوند ۶ لوبډلو برخه اخیستې وه.

يادو سياليو د پای په مراسمو کې د کرنې او کمپيوټر ساينس پوهنځيو ريیسانو، د سپورت مرکزي کمېټې مسؤل، د پوهنتون استادانو، اداري کارکوونکو، محصلینو او د يادو سيالو گڼو مينه‌والو برخه لرله.

پوهنتون د سپورت مرکزي کمېټې مسؤل پوهنيار فريدالله صافي د خپلو خبرو پر مهال د سپورت په ارزښت او گټو خبرې وکړې او سپورتي فعالیتونه یې د محصلینو په فزيکي او ذهني وده کې گټور ياد کړل.

د کرکټ ټورنمنټ په پايلوبه کې د کرنې پوهنځي لوبډلې د کمپيوټر ساينس پوهنځي لوبډلې ته په ماتې ورکولو سره ديادو سياليو اتلولي وگټله.

ياده دې وي چې پوهنتون د سپورت مرکزي کمېټې له لوري د سپورتي لوبو پیل شوې مېلې په لړ کې د کرنې پوهنځي واليبال لوبډله د واليبال ټورنمنټ کټونکې لوبډله اعلان کړه.

د يادو ټورنمنټونو لومړي او دويم مقام لوبډلو او غوره لوبغاړو ته کپونه، مډالونه او نورې ډالۍ ورکړل شوې.

Latest news

Mon, Mar 24 2025 1:21 PM
Background image

پوهنتون کې د ځنگلونو، اوبو او هوا د پېژندنې او ارزښت په تړاو يو ورځنی علمي سېمينار داير شو

نن ورځ د سيد جمال الدين افغاني پوهنتون د غونډو په تالار کې د محصلانو چارو معاونيت تر چتر لاندې د محصلانو د خدمتونو او همغږۍ آمريت له لوري او د کرنې پوهنځي په همکارۍ د ځنگلونو، اوبو او. . .

Sat, Mar 15 2025 1:33 PM
Background image

پوهنتون کې د نیالگیو کښېنولو کمپاین پیل شو

یاد کمپاین چې سيد جمال الدين افغاني پوهنتون د مالي او اداري چارو معاونيت تر چتر لاندې د چاپېریال ساتنې عمومي کمېټې او خدماتو آمريت په گډو هڅو د نږدې(۶۰۰) نيالگيو په کښېنولو سره پیل شو،. . .

Wed, Mar 12 2025 3:30 PM
Background image

پوهنتون د مالي او اداري چارو مرستيال د ترميم پروژې له روانو چارو لیدنه او څارنه وکړه

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي په ملتيا د يادې څارنې په ترڅ کې پوهنتون د غونډو. . .

BACK TO NEWS