ښوونې او روزنې او اقتصاد پوهنځيو د ممتازو محصلينو د ستاينې او نويو شامل شويو محصلانو د ښه راغلاست غونډې ترسره شوې
د سيد جمال الدين افغاني پوهنتون د ښوونې او روزنې او اقتصاد پوهنځيو د تېر درسي فصل ممتازو محصلانو لپاره د ستاينې او نويو شامل شويو محصلينو ته د ښه راغلاست او پوهنتون پېژندنې جلا جلا غونډې جوړې شوې، چې په کې د پوهنتون او پوهنځيو مسؤلينو، استادانو او محصلانو برخه اخيستې وه.
د يادو مراسمو په ترڅ کې ويناوالو محصلينو ته هر اړخيزې لارښوونې او توصيې وکړې او هغوی يې وهڅول چې په درسونو کې پوره کوښښ وکړي او ځانونه په خپلو مسلکونو کې د کمال درجې ته ورسوي. هېره دې نه وي چې د يادو غونډو په ترڅ کې د استادانو له لوري محصلينو ته د پوهنتون پېژندنې په اړه تفصيلي معلومات وړاندې شول او همداراز ممتازو محصلينو ته ستاينليکونه او ډالۍ ورکړل شوې.
