کونړ ولايت کې د اسد ۲۴ مه د فتحې ورځ په شاندارو مراسمو سره ولمانځل شوه

Abdullah Saeed
Wed, Aug 14 2024 4:35 PM
SJAU

د غربي ښکېلاک د ماتې او اشغال د خاتمې تاريخي ورځ د يوې پرتمنې غونډې په ترڅ کې ولمانځل شوه، چې په مراسمو کې يې د کونړ والي مولوي قدرت الله ابوحمزه، مرستيال والي مولوي عبدالله حقاني، د علماوو شورا رييس الشیخ مولوي عبدالقهار صديقي، د سيد جمال الدين افغاني پوهنتون رييس شيخ عبدالمالک محسن، د ولايتي ادارې نظامي او ملکي مسؤلينو، قومي مشرانو، د ياد پوهنتون مرستيالانو، د پوهنځيو ريیسانو، استادانو، اداري کارکوونکو، محصلینو او گڼو ولسي وگړو گډون کړی ؤ.

د کونړ والي مولوي قدرت الله ابوحمزه په خپلو خبرو کې د ا.ا.ا مشرانو او افغان ولس ته د یادې فتحې مبارکي وویله او دا یې د الله تعالی له لوري لويه پېرزوينه ياده کړه.

نوموړي زياته کړه چې دا خپلواکي او ازادي په ډېرو سرښندنو او تکليفونو لاسته راغلې نو د ساتنې لپاره يې بايد ټول خپلو مسؤليتونو ته پوره متوجه شو.

غونډې ته د سيد جمال الدين افغاني پوهنتون رييس شيخ عبدالمالک محسن د خپلې وينا په ترڅ کې ازادي د الله ﷻ د سترو نعمتونو له جملې لوی نعمت وباله او پر ټولو افغانانو يې غږ وکړ چې شکر يې اداء او د ديني مسؤليت له مخې يې د ساتنې لپاره پوره هڅه وکړي.

د کونړ مرستيال والي مولوي عبدالله حقاني، د علماوو شورا رييس الشیخ مولوي عبدالقهار صديقي، د کونړ ولايت امنيه قومندان مولوي ضياءالحق حامد، کونړ کې د عبدالله ابن عباس رضی الله عنهما لومړۍ سرحدي لېوا قومندان مولوي عمر ياسر، د جـ.ـهـ.ـادي مدرسې مشر شيخ الحديث رحمت دين مدني، د پوهنې رییس مولوي محيب الله حيدري او قومي مشر ظابط حسن غونډې ته په خپلو خبرو کې ټول افغان غيور ملت ته د يادې سترې وياړمنې ورځې مبارکي وويله او د تېر شل کلن جـ.ـهـ.ـاد په قربانيو، برياوو او د اسلامي نظام په ټينگښت او پايښت يې مفصلې خبرې وکړې.

د یادولو وړ ده چې په دغو مراسمو کې د تېرې شل کلنې سپېڅلې او برحقې مبارزې اړوند حماسي شعرونه هم وړاندې شول او غونډه د دُعايه کليماتو په ويلو سره پای ته ورسېده.

Latest news

Mon, Mar 24 2025 1:21 PM
Background image

پوهنتون کې د ځنگلونو، اوبو او هوا د پېژندنې او ارزښت په تړاو يو ورځنی علمي سېمينار داير شو

نن ورځ د سيد جمال الدين افغاني پوهنتون د غونډو په تالار کې د محصلانو چارو معاونيت تر چتر لاندې د محصلانو د خدمتونو او همغږۍ آمريت له لوري او د کرنې پوهنځي په همکارۍ د ځنگلونو، اوبو او. . .

Sat, Mar 15 2025 1:33 PM
Background image

پوهنتون کې د نیالگیو کښېنولو کمپاین پیل شو

یاد کمپاین چې سيد جمال الدين افغاني پوهنتون د مالي او اداري چارو معاونيت تر چتر لاندې د چاپېریال ساتنې عمومي کمېټې او خدماتو آمريت په گډو هڅو د نږدې(۶۰۰) نيالگيو په کښېنولو سره پیل شو،. . .

Wed, Mar 12 2025 3:30 PM
Background image

پوهنتون د مالي او اداري چارو مرستيال د ترميم پروژې له روانو چارو لیدنه او څارنه وکړه

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي په ملتيا د يادې څارنې په ترڅ کې پوهنتون د غونډو. . .

BACK TO NEWS