د ښوونې او روزنې پوهنځي استاد پوهندوی علمي رتبې ته د ترفيع په موخه خپل دويم علمي کنفرانس وړاندې کړ
سيد جمال الدين افغاني پوهنتون د ښوونې او روزنې پوهنځي د کيميا څانگې استاد پوهنمل شېرازخان رشيدي د پوهندوی علمي رتبې ته د ترفيع په موخه(د درملو فارماکولوژيکي شکلونو ارزونه او د هغوی د کارونې لارې) تر سرليک لاندې خپل دويم علمي کنفرانس وړاندې کړ.
دغه علمي کنفرانس چې د علمي څېړنو او مجلو مرستيال پوهندوی دوکتور سيد اصغر هاشمي، د ښوونې او روزنې پوهنځي رئيس مولوي خانزاده حنيفي، د ژوري هيئت غړو او د پوهنتون استادانو پر وړاندې ارایه شو، له ازاد بحث او د ژوري هيئت تر مثبتې ارزونې وروسته پر دُعايه کلماتو سره پای ته ورسېد.
د يادونې وړ ده چې نوموړي استاد د يادې ترفيع په موخه خپل لومړی علمي کنفرانس(د يو اتوم الکتروني کنفيگوريشن د ليکلو مېتودونه) سرليک لاندې وړاندې کړی ؤ چې هغه هم د ژوري هيئت له لوري مثبت ارزول شوی دی.
