د اقتصاد پوهنځي استادانو او اداري کارکونکو ته د تضمين کيفيت نويو معيارونو په هکله د پوهاوي سېمينار داير شو
ياد سېمينار چې د سيد جمال الدين افغاني پوهنتون د اقتصاد پوهنځي د تضمين کيفيت کمېټې په نوښت جوړ شوی ؤ، د پوهنځي استادانو او اداري کارکونکو په کې برخه لرله.
د سېمينار په پرانيسته کې د ياد پوهنځي مرستيال پوهنيار مجيبالله ايوبي د کيفيت لوړاوي پر ارزښت، د علمي او تدريسي بهير پر ښهوالي، د استادانو او اداري کارکوونکو پر رول او د نويو معيارونو د عملي کېدو پر اړتيا خبرې وکړې. ورپسې د کيفيت لوړاوي کمېټې مسؤل ن.پوهنيار تسل نورزي د کيفيت لوړاوي نوي معيارونه په تفصيلي بڼه تشرېح کړل او د يادو معيارونو موخې، بنسټونه، د ارزونې تگلارې او د عملي کېدو لارې چارې يې روښانه کړې او همداراز يې د گډونوالو پوښتنو ته ځوابونه ورکړل.
