سيد جمال الدين افغاني پوهنتون کې د اسلامي نظام اړتيا او ارزښت تر سرليک لاندې علمي کنفرانس وړاندې شو.
په همدې اړوند جوړه شوې غونډه کې د پوهنتون رييس پوهنيار محب الله محب، د علمي چارو مرستيال پوهندوی ميرويس ستانکزي، د محصلانو چارو مرستيال پوهنمل علي احمد بهار، د مالي او اداري چارو مرستيال قاري رحمن الله صادق، د پوهنځیو رييسانو، استادانو او اداري کارکوونکو برخه لرله.
پیل کې د پوهنتون رييس پوهنيار محب الله محب ګډونوالو ته د ښه راغلاست ترڅنګ زياته کړه چې اوسنی اسلامي نظام د الله جل جلاله ستر نعمت دی نو ملت بايد د دې لوی نعمت شکر ادا کړي.
نوموړي وويل دا چې پوهنتونونه بايد د اساسي دندو له مخې پر علمي او څېړنيزو موضوعاتو تحقيق وکړي نو دې اصل ته په پام به د داسې علمي کنفراسونو لړۍ جاري وساتو.
د غونډې په ترڅ کې د سيد جمال الدين افغاني پوهنتون استادانو هر یو: پوهنمل محمد سليم کريمزي(اسلامي نظام اړتيا او ارزښت)، پوهندوی محمد رحيم خاکسار(ا.ا.ا د بري پرمهال د هېواد امنيتي او ټولنيز حالت) او پوهندوی خان محمد خدرخېل(ا.ا.ا ښېګڼې او لاسته راوړنې)؛ تر سرلیکونو لاندې خپلې علمي او څېړنيزې مقالې وړاندې کړې.
په پای کې غونډه د شرعياتو پوهنځي استاد پوهنمل نورالحق حليمي له لوري په دُعاء سره پای ته ورسېده.
