پوهنتون رييس د کرنې پوهنځي له څېړنيزې پروژې څخه ليدنه وکړه
د سيد جمال الدين افغاني پوهنتون رييس پوهنمل محب الله محب په داسې حال کې، چې د محصلانو چارو مرستیال پوهنمل علي احمد بهار، د کرنې پوهنځي رييس پوهندوی محمد حسن محمدي يې ملتيا کوله، د ياد پوهنځي د محصلينو له څېړنيزې پروژې څخه چې د غوښينو چرګوړو پر وزن اخيستنه تر سره کېږي ليدنه وکړه.
د ليدنې پر مهال د کرنې پوهنځي رييس د يادې څېړنيزې پروژې(غوښينو چرګوړو پر وزن اخيستنه د بېلابېلو طبي بوټو اغېزې) په اړه د سيد جمال الدين افغاني پوهنتون رييس او ورسره مل پلاوي ته معلومات ورکړل او په دې برخه کې يې له شته ستونزو يادونه وکړه، چې د پوهنتون رييس له لوري ستونزو د حل ډاډ ور کړل شو.
د پوهنتون رييس پوهنمل محب الله محب د يادې څېړنې په ترسراوي خوښي وښوده او د کرنې پوهنځي له مسؤلینو او استادانو يې مننه وکړه، چې د تيورۍ ترڅنګ عملي چارو او څېړنو ته هم پاملرنه کوي.
